Lajme
Ambasada e Zvicrës në Vjenë ka një njoftim të rëndësishëm për qytetarët zviceranë
Njoftimi u referohet shtetasve zviceranë që udhëtojnë drejt shteteve ballkanike dhe që kanë pasaportë të skaduar
Me anë të një letre dërguar redaksisë së albinfo.ch, Ambasada e Zvicrës në Vjenë ka njoftuar të gjithë shtetasit zviceranë që udhëtojnë për në shtetet e Ballkanit dhe të cilët gjatë udhëtimit konstatojnë se u ka skaduar afati i pasaportës zvicerane, duhet të drejtohen në Ambasadën e Zvicrës në Vjenë, e cila është pika më e afërt që ka edhe shërbimin konsullor.
Ndryshe ata duhet të kthehen në Zvicër për të t’u pajisur me një pasaportë emergjente (Notpass).
“Qendra rajonale konsullore e Ambasadës Zvicerane në Vjenë është përgjegjëse për 8 shtete, përfshirë edhe Kroacinë. Kjo qendër çdo verë përballet gjithmonë me të njëjtin problem”, thuhet në letrën e ambasadës, shkruan albinfo.ch.
“Shumë qytetarë zviceranë kalojnë pushimet e tyre në Ballkan, duke udhëtuar përmes Kroacisë. Ata nisin udhëtimin me gjithë familjen me makinë, por ndonjëherë udhëtojnë me dokumente identiteti zvicerane që nuk janë më të vlefshme. Si rezultat, ata lejohen të hyjnë në Kroaci, por gjatë daljes nga Kroacia apo kur udhëtojnë për në ndonjë shtet tjetër, atyre u kërkohet të kenë një dokument të vlefshëm udhëtimi për vazhdimin e udhëtimit. Si rezultat, ata duhet të kërkojnë një pasaportë urgjente zvicerane”, thuhet më tej në letër.
Meqenëse Ambasada e Zvicrës në Zagreb nuk lëshon pasaporta, personat me leje kalimi nga qendra rajonale në Vjenë duhet të drejtohen në qendrën rajonale konsullore të Ambasadës Zvicerane në Vjenë ose duhet të kthehen në Zvicër për t’u pajisur me një pasaportë emergjente (Notpass).
E-Diaspora
-
Iu gjet drogë në shtëpi, arrestohet shqiptari në këtë shtet Raportohet se një 48-vjeçar shqiptar është arrestuar nga policia italiane për drogë, përcjell albinfo.ch. Sipas mediave...
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane