Lajme
Amerika pas njohjes nga Izraeli: Do të qëndrojmë përkrah Kosovës
Në një njoftim të fundit, Departamenti Amerikan i Shtetit ka përgëzuar zyrtarizmin e vendosjes së marrëdhënieve diplomatike në mes të Kosovës dhe Izraelit, e cila u arrit të hënën në kuadër të marrëveshjes ekonomike mes Kosovës dhe Serbisë të nënshkruar në Uashington, transmeton albinfo.ch.
Ned Price, zëdhënës i Departamentit të Shtetit, përmes një postimi në Twitter, është shprehur se Shtetet e Bashkuara të Amerikës do ta përkrahin Kosovën përgjatë rrugës drejt integrimit në instancat euro-atlantike.
Sipas tij, nënshkrimi i kësaj marrëveshjeje ndihmon në promovimin e stabilitetit, paqes dhe prosperitetit për të dyja vendet.
“Shtetet e Bashkuara përgëzojnë Izraelin dhe Kosovën për zyrtarizmin e marrëdhënieve diplomatike. Dje ishte një ditë historike. Lidhjet më të thella ndërkombëtare ndihmojnë në promovimin e stabilitetit, paqes dhe prosperitetit në të dy vendet.
Kur partnerët tanë janë të bashkuar, Shtetet e Bashkuara janë më të fuqishme. SHBA-ja do të qëndrojë përkrah Kosovës në rrugëtimin e saj euroatlantik”, ka thënë Price.
Megjithatë vendimi që Kosova të vendosë Ambasadën në Jerusalem nuk i ka pëlqyer fare Bashkimit Evropian. Zëdhënësi Peter Stano një vendim të tillë e ka cilësuar si të “vendim fatkeq”.
Kosova dhe Izraeli zyrtarizuan vendosjen e marrëdhënieve diplomatike të hënën, më 1 shkurt 2021, përmes një ceremonie virtuale.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Migros do të sjell hamburgerë të rinj, zviceranet skepitk Migros do të shesë hamburgerë të prodhuar nga mbeturinat e birrës...
-
Rreth 150 mëlçi transplantohen në të gjithë Zvicrën çdo vit
-
Dështon nisma që donte të ndryshonte Kushtetutën
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje