Ambasada amerikane uron Konjufcën, inkurajon krijimin e menjëhershëm të Qeverisë

Ambasada Amerikane në Prishtinë ka mirëpritur konstituimin e Kuvendit të Kosovës dhe zgjedhjen e Glauk Konjufcës, Kryetar të Kuvendit.

Përmes një njoftimi, nga Ambasada kanë kërkuar nga lideri i LVV-së, Albin Kurti dhe kreu i LDK-së, që të punojnë që sa më shpejt të krijohet qeveria e re.

“Ambasada e SHBA-së mirëpret konstituimin e Kuvendit të Kosovës dhe uron kryetarin Glauk Konjufca dhe anëtarët e tjerë të Kryesisë së Kuvendit. Ne inkurajojmë liderët politikë që menjëherë të formojnë qeverinë e re, e cila duhet të angazhohet për të përmbushur premtimet e dhëna për votuesit. Ne mezi presim që të punojmë me qeverinë e re në çështjet e ngutshme që lidhen me paqen, drejtësinë dhe prosporitetin”, shkruhet në reagimin e Ambasadës.

Kujtojmë që ambasadat në vend ka kohë që kanë nisur thirrjet për krijim sa më të shpejtë të institucioneve në vend, derisa kanë pasur edhe disa vizita te dy partitë LVV – LDK, që po negociojnë për koalicion, shkruan GE, përcjell albinfo.ch.

---