Andi Zeqiri shënon 2 gola, Lausanne në Superligën e Zvicrës

Futbollisti shqiptar vazhdon të jetë në top formë për skuadrën e tij zvicerane

Faqja e @Lausanne në Facebook

Futbollisti shqiptar, Andi Zeqiri ka shkëlqyer për skuadrën e tij Lausanne.

Në ndeshjen e fundit për këtë sezon në rangun e dytë të futbollit zviceran, Zeqiri ka shënuar dy gola përballë Will, ku skuadra e tij triumfoi 5:3 dhe njëkohësisht u shpallën kampionë për të siguruar inkuadrimin në Superligë, shkruan albinfo.ch.

Zeqiri ishte ndër më të mirët, me dy gola të realizuara në minutën e 24-t e 68-të, kurse Vullnet Fazliu shënoi në atë të 55-të për Will.

Zeqiri 21-vjeçar këtë edicion e ka përfunduar me 17 gola e tetë asistime në Kategorinë e Dytë. Po ashtu i ka realizuar pesë gola dhe ka asistuar dy herë në Kupën e Zvicrës.

Zeqiri ka luajtur deri në minutën e 68-të për Lausannen dhe Valon Fazliu, Eris Abedini, Lindrit Kamberi, Bledian Krasniqi ishin titullarë për Will-in.

Lausanne zuri vendin e parë me 73 pikë dhe Will përfundoi në pozitën e gjashtë me 43 pikë.

LAJME INTERESANTE NGA INTERNETI