Lajme

Andi Zeqiri shënon gol për Lausannen në Kupën e Zvicrës

Shumë futbollistë shqiptarë luajnë në futbollin zviceran, duke qenë vendimtarë në skuadrat e tyre.

Njëri ndër ta është edhe Andi Zeqiri, i cili luan për Lausannen.

Andi Zeqiri ka ndihmuar skuadrën e tij që të kalojë në çerekfinale të Kupës së Zvicrës, duke realizuar një gol në fitoren e thellë 6 – 0 ndaj Xamaxit.

Ai realizoi në minutën e 70-të golin e fundit të ndeshjes.

Zeqiri s’ishte shqiptari i vetëm në fushë. Rivalë të tij ishin Samir Ramizi, Arbenit Xhemajli, Liridon Mulaj e Taulant Seferi.

Ai është vetëm 20-vjeçar, por shihet me të ardhme të ndritur, derisa më parë është krahasuar me yllin shqiptar, Xherdan Shaqiri.

Kujtojmë se për Zeqirin janë të interesuara shumë skuadra evropiane, kurse ka luajtur edhe për grupmoshat e reja të Zvicrës U17 dhe U19. /Albinfo.ch