Anglia kërkon 2 milionë punëtorë

Keystone

Britania e Madhe ka nevojë për afro 2 milionë punëtorë në sektorin e ndërtimit apo industrinë e turizmit.

Në këtë kuadër Mbretëria e Bashkuar ka vendosur të lehtësojë marrjen e vizave të punës për punonjësit e ndërtimit, në specialitete si murator, ndërtues çatish, shtrues pllakash, suvatues dhe marangoz.

Pas daljes nga Shengeni dhe krizës së pandemisë, shumica e punëtorëve që furnizonin këtë sektor janë larguar nga Britania që nga viti 2017.

Për këto role, rekrutët e rinj mund të paguhen me 80% të çmimit për këto kategori punësh dhe sërish mund të kualifikohen për marrjen e vizës britanike të punës. Ata do përfitojnë edhe nga tarifa me ulëta për pagimin e vizave. Këtyre punëtorëve u duhet të gjejnë një punëdhënës dhe të plotësojnë edhe kriterin e gjuhës angleze, siç parashihet nga sistemi post Brexit.

Ky lajm përbën një mundësi të artë për shumë punëtorë nga Shqipëria, të cilët po emigrojnë drejt ishullit në mënyrë të paligjshme, duke rrezikuar edhe jetën.