Anketë: Migracioni, problem për elektoratin zviceran

Migracioni dhe marrëdhëniet me BE-në janë çështjet që për elektoratin zviceran duhet të jenë prioritet për politikën e vendit.

Një pjesë e madhe e elektoratit zviceran i sheh si probleme për politikën migracionin dhe çështjet e tjera që kanë të bëjnë me të huajt. Shumë prapa mbeten çështje si mjedisi, papunësia dhe shëndetësia, tregon „Barometri zgjedhor” i SRG-së, anketë e kryer para zgjedhjeve nga Institutit i Kërkimeve gfs.bern.

31 për qind e votuesve të PS-së e shohin si urgjente zgjidhjen e çështjes së migracionit. Kjo është më pak e theksuar në mesin e votuesve të të Gjelbërve, ku vetëm 18 për qind e trajtojnë migracionin si problem që kërkon zgjidhje urgjente.

Ndërsa 42 për qind e votuesve CVP shohin migracionin dhe politikën e emigracionit problemin më të ngutshëm të politikës zvicerane. Në shtator 2013 kjo shifër ishte 22 për qind.  Ndërsa te votuesit e SVP-së këtë herë kishte rënie në 44 për qind. Më 2013 ishte ende në 50 për qind.

Çështja e dytë kryesore janë marrëdhëniet e “trazuara” të Zvicrës me BE-në që e shprehin votuesit e të gjitha partive, me përjashtim të të Gjelbërve, që e kanë me prioritet mjedisin.