Ansambli “Vatra”, në Konferencën XX Shkencore të Akademisë së Mjekëve Shqiptarë në Europë

Privilegj dhe kënaqësi për ansamblin VATRA të jemi nikoqir të Konferencës XX Shkencore të Akademisë së Mjekëve Shqiptarë në Europë, ngjarje kjo e cila kësaj radhe u mbajt të shtunën, më 02.09.2023, në Bülach, përcjell albinfo.ch.

Organizator të ketij eventi ishin Dr. Aurora Dollenberg dhe Prof. Fadil Çitaku, themelues dhe nismëtari kryesor i këtij projekti.

Pjesmarrësit patën interesim dhe shprehën mendimet dhe idetë nga përvojat e tyre profesionale se si të organizohen edhe më fuqishëm dhe këto eksperienca e projekte t’i bartin në vendlindje.

Si nikoqir i këtij eventi Ansambli VATRA u përkujdes që secili prej të pranishmëve të ndihet komod. Një theks të veçantë zuri edhe pjesa artistike e këtij eventi: paraqitja me dy valle koreografike të Ansamblit VATRA, paraqitja e valltarëve të Shoqatës Sharri si dhe interpretimi i shkëlqyeshëm i pianistes së mirënjohur, Prof. Lule Elezi, që impresionuan dhe emocionuan të gjithë të pranishmit.

Organizatorët shprehen mirënjohjen dhe na falënderuan përzemërsisht, duke premtuar për bashkpunime të mëtejme.

---