Integrimi
Ansambli “Vatra” me koncert në shënim të 28 Nëntorit, Ditës së Flamurit

Muaji nëntor është muaji me emblematik tek i cili kujtojmë datat më të shquara të krenarisë kombëtare. Me rastin e 28 Nëntorit, Ditës së Flamurit, Ansambli “Vatra” në Cyrih organizoni program artistik, me këngë e valle, poezi si dhe pjesë teatrale.
Manifestimi u mbajt në Schlieren të Cyrihut dhe të ftuar ishin shumë miq, mysafirë dhe figura nga sfera të ndryshme të jetës, shkruan albinfo.ch.
Programi i manifestimit ishte mjaft i pasur. Të pranishmit patën rastin të shohin në skenë artistë, aktorë dhe valltarë që shpalosën artin e tyre.
Në fjalën përshëndetëse para të pranishmeve, Shaban Haliti, anëtar i kryesisë së ansamblit “Vatra” tha se kjo festë na bënë emocional sa here që vjen, krenaria e shqiptarëve sillet rreth kësaj feste dhe flamurit kombëtar. Kombi shqiptar rriti trima e trimëresha të cilët nuk kursyen as jetën për të mbajtur gjallë kombin dhe flamurin kombëtar. Ai në fund uroi që shekujt e ardhshëm kombin shqiptar, mos ta përballin me vuajtjet të cilat i përjetuam në shekujt e kaluar, përcjell albinfo.ch.
Një fjalë rasti pati edhe udhëheqës i Konsullatës së Republikës së Kosovës në Cyrih, Sami Kastrati i cili duke uruar festen e flamurit, tha se „Dëshiroj që ju të mbani gjallë frymën dhe vlerat tona kulturore në shtetin ku sot jetoni”. Kastrati shtoi se, kombi shqiptar sot është më i fuqishëm si asnjëherë më parë. Kjo na bënë të ndihemi krenarë me të dy shtete shqiptare, me Shqipërinë në NATO, me Shqipërinë drejt Bashkimit Evropian si dhe Kosovën po ashtu me hapa të rëndësishme në këtë drejtim.
Në skenë u ngjitën valltarë e valltare të shumtë të cilët krijuan një atmosferë vërtetë të këndshme, duke shfaqur vlerat e kulturës sonë kombëtare. Të pranishmit i emocionoi edhe aktori i njohur Çun Lajqi, i cili u paraqit me një prej poezive të tij. „Ne ishim ilir, dardan, alban” i cili ngjalli emocione të shumta në mesin e të pranishmëve. Pjesë e programit ishte edhe aktorët me pjesë teatrale nga grupi „Studio Aktrimi“.
Kishte edhe këngë nga këngëtarët Gjon Ukaj, Berat Shala. Pjesë e manifestimit ishte edhe kolegji “Mehmet Akif”, nga Kosova.
Foto: Armend Berisha







Të tjera nga Integrimi
E-Diaspora
-
Mërgimtari nga Anglia investoi në Kosovë, por i pakënaqur me kushtet Nga Anglia investoi në Kosovë, por përballet me shumë probleme ...
-
Diaspora shqiptare në Australi, mbi 255 mijë dollarë për viktimat e tërmetit
-
Në Hamburg u hap Konsullata e Përgjithshme e Kosovës
-
Gjykata gjermane urdhëron strehimin e një familjeje shqiptare në Köln
-
Arba Kokalari, shqiptarja në Suedi flet mbi 50 vjetorin e bashkëpunimit Shqipëri – Suedi
Jeta në Zvicër
-
Ekonomia e Zvicrës, pa rritje vitin e ardhshëm Sipas parashikimeve, ekonomia e Zvicrës nuk pritet të ketë rritje në vitin 2020 ...
-
Ky kanton zviceran miraton pagën minimale
-
Zvicër: 8% më pak azilkërkues gjatë nëntorit
-
Ostfinanz: Qendra shumëgjuhëshe e financimit të ëndrrës suaj
-
Vinjetat për vitin 2020 dalin në shitje