Maqedonia
Anulohen ekskursionet e nxënësve dhe studentëve për në Itali
Ministri i Shëndetësisë, Venko Filipçe, apeloi që të mos shkaktohet panik, pasi janë ndërmarrë të gjitha masat e nevojshme.
Është bërë e ditur se pacienti i fundit i testuar në Klinikën Infektive në Shkup nuk është i prekur nga virusi corona. Ai kishte mbërritur nga Dubai në Shkup para disa ditësh dhe i kishte kaluar të gjitha kontrollet, por më pas është ankuar për simptoma të ngjashme me ato të coronës. Pas analizave të nënshtruara u konfirmua se personi ishte me grip dhe te ai nuk është gjetur prania e virusit të rrezikshëm. Paraprakisht edhe një person tjetër që kishte udhëtuar nga Italia ishte ankuar, por pas analizave të kryera u konstatua se ai nuk ishte prekur nga corona. Ministri i Shëndetësisë, Venko Filipçe, apeloi që të mos shkaktohet panik, pasi janë ndërmarrë të gjitha masat e nevojshme.
Thuhet se rastin e dytë, të cilin e testuam nga koronavirusi është negativ, bëhet fjalë për udhëtarin i cili erdhi nga Dubai pas gjashtë ditësh, bëhet fjalë për Influencën-B. ”Udhëtarët të cilët vijnë nga Italia veriore do të lëshohen në vetëm pesë kalime, në Tabanoc, Deve Bair, Qafë Thanë, Bllacë, Bogorodicë si dhe dy aeroportet këtu në Shkup dhe Ohër”, deklaroi Venko Filipçe, ministër i Shëndetësisë.
Po ashtu, frika nga virusi corona ka detyruar Qeverinë që të anulojë të gjitha udhëtimet dhe ekskursionet e shkollave dhe të universiteteve për në Itali, ku numri i të prekurve nga Covid19 po rritet me shpejtësi të madhe. Në mbledhjen e fundit Qeveria obligoi Ministrinë e Shëndetësisë që urgjentisht të sigurojë sasi të konsiderueshme të maskave, dorëzave, mjeteve dezinfektuese dhe veshjeve mbrojtëse për institucionet e sistemit për menaxhimin e integruar të kufijve me qëllim mbrojtjen e personelit si dhe të sigurojë mjete dezinfektuese dhe sapunë për shkollat dhe çerdhet e vendit. Shkollat po ashtu obligohen që në bashkëpunim me Komunat dhe Qendrat e shëndetit publik të organizojnë orë edukative.
Masat e shtuara nëpër pikat kufitare dhe në aeroporte do të mbeten të fuqi për shkak të rritjes së numrit të të prekurve nga korona në vende të ndryshme të botës, por edhe për shkak të paraqitjes së rasteve të para në vendet e rajonit. Gjatë ditës u regjistruar rasti i parë me koronavirus në Kroaci. Bëhet fjalë për një djalë të ri që është shtrirë në një klinikë infektive në Zagreb, shkruan alsatM. Në qytetin kroat të Rjekës po kryhen analiza ndaj disa personave të tjerë, të cilët kanë punuar në veri të Italisë. Mbi 2.600 njerëz kanë vdekur në Kinë nga ky virus, që u paraqit për herë të parë në provincën kineze të Hubeit. Numri i rasteve të prekura në botë ka kaluar tashmë 80 mijë. Shenjat kryesore të infektimit me virusin Korona janë temperatura e lartë, kolla dhe vështirësitë në frymëmarrje. Organizata Botërore e Shëndetësisë ka thënë të hënën se bota duhet të bëjë më shumë për t’u përgatitur për pandemi të mundshme. OBSH-ja ka thënë se është ende herët që shpërthimi i koronavirusit të trajtohet si pandemi, por se vendet duhet të jenë në fazën e përgatitjeve. /Albinfo.ch
Të ngjashme
Të tjera nga Maqedonia
E-Diaspora
-
Nju-Jork: Artisti Petrit Halilaj, në majë të Muzeut Metropolitan Artisit shqiptar, Petrit Halilaj, është tani një artist konceptual, skulpturat, vizatimet, instalimet dhe performancat joshëse dhe...
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
Jeta në Zvicër
-
Tifozët e Cyrihut shkaktuan 100,000 CHF dëme Tifozët e futbollit të Cyrihut shkaktuan dëme me vlerë 100,000 CHF në Stade de Genève gjatë...
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor
-
Barnat e blera jashtë vendit mund të rimbursohen në Zvicër
-
Anulime të shumta të fluturimeve mes Zvicrës dhe këtij rajoni