AUTOTECH

Aplikacioni që është shkarkuar mbi 1 miliard herë

“TikTok” është shkarkuar mbi 1 miliard herë në botë, duke lënë pas aplikacionet më të njohura, si Facebook dhe Instagram.

Aplikacioni tre vjeçar ‘TikTok’ është në pronësi të ByteDance të Kinës, duke qenë mjaft popullor. Ky aplikacion është shkarkuar 663 milionë herë në mbarë botën vitin e kaluar. Për krahasim, Facebook u shkarkua 711 milionë herë vitin e kaluar, ndërsa Instagram shënoi 444 milionë shkarkime.

‘TikTok’ ka arritur në 188 milionë instalime të tjera në tremujorin e parë të këtij viti, duke qenë sërish në vend të parë, duke lënë pas çdo aplikacion tjetër të mundshëm, transmeton ‘Scan’.

Megjithatë, “TikTok” ka pasur kritika nga rregullatorët qeveritarë dhe prindërit, për shqetësime të cilat lidhen me të dhënat dhe privatësisë, ose të quajtura ndryshe ‘praktika grabitqare’, përcjell albinfo.ch.

Kryesisht, kritikat kanë në fokus fëmijët, të cilët janë të rrezikuar nga përmbajtjet pornografike që ky aplikacion mbart.

“TikTok” nuk është aplikacioni i parë i mediave sociale që kritikohet përsa i përket shqetësimeve në lidhje me përmbajtjen e tyre, pasi dhe gjigandi i mediave sociale ‘Facebook’, po merr gjithnjë e më shumë masa rreth këtij problemi.