Autotech

Apple përgatit telefonin pa asnjë “hyrje”

Thashethemet po qarkullojnë në internet se Apple planifikon të mbyllë plotësisht portet, dhe se së shpejti mund të shohim një iPhone pa ndonjë “hyrje”.

Raportohet se kjo mund të ndodhë vitin e ardhshëm. Kjo është bërë e ditur për herë të parë nga përdoruesi i Twitter @ 9TechEleven, dhe ai më parë kishte “informacion të brendshëm” që doli të jetë i saktë, përcjell Albinfo.ch.

Analisti John Proser nga „Front Page Tech“  pajtohet me këtë pikëpamje, e cila na thotë se është pothuajse e sigurt që kjo do të ndodhë. Siç thotë ai, të paktën një model iPhone do të jetë pa porte vitin e ardhshëm.

Kjo është veçanërisht interesante sepse shumë menduan se Apple do të kalonte nga porti Lightning në USB-C, por këto thashetheme, nëse rezultojnë të vërteta, do të thotë që ky hap mund të “anashkalohet”.

E vërtetë që modelet e iPhone aktualisht mbështesin mbushjen pa kabëll, por nëse kompania vendos të bëjë një veprim të tillë, sigurisht që do të ishte një rrezik i madh.