Ardhja e kufomave në Maqedoni: Ushtari shqiptar, me lot në sy

Qytetarë të shumtë nderuan viktimat e aksidentit

Ndonëse është anuluar ceremonia e paraparë në Sheshin Skënderbeu në Shkup, kjo nuk ka qenë pengesë për një numër të madh të qytetarëve, të cilët megjithatë kanë vendosur të dalin në shesh në nderim të viktimave të aksidentit tragjik në Bullgari.

Në ceremoninë e pranimit të kufomave të viktimave nga aksidenti tragjik në Bullgari kanë qenë të pranishëm edhe figura ushtarake.

Mes tyre është edhe Blerim Ajdari, ushtar nga Studeniçani.

I prekur nga ngjarja ku po barteshin arkivolet e viktimave, ai është parë me lot në sy.

Ndërkaq sot në Aeroportin Ndërkombëtar të Shkupit, me dy aeroplanë kanë arritur kufomat e 45 viktimave.

Pranimi është bërë me ceremoni shtetërore, ku të pranishëm kanë qenë krerë të lartë shtetërorë të vendit, të Kosovës e të Shqipërisë.

---