Lajme
Arkitekti Atdhe Belegu nga Norvegjia, në listën e 10 të rinjve në ngritje
Gazeta e njohur norvegjeze “Arkitektnytt” i kushton një shkrim arkitektit shqiptar, Atdhe Belegu, i cili jeton dhe punon në Norvegji. Gazeta shkruan për prejardhjen e tij, suksesin, studimet e suksesshme dhe çmimet e fituara në fushën e arkitekturës, përcjell albinfo.ch.
Belegu ka përfunduar studimet në shkollën e arkitekturës në Bergen dhe aktualisht punon në studion e njohur të arkitekturës në Oslo “Mad Arkitekter AS”. Ai është arkitekt i vlerësuar me disa çmime në Norvegji. Në vitin 2019 Estate Media e përfshiu atë në listën e ‘’10 të rinjve në ngritje’’.
Ndonëse vetëm 28-vjeçar, Atdhe Belegu është arkitekti më i vlerësuar me çmime në Norvegji.
Më 2017 ai pranoi çmimin më të lartë nga shkolla e arkitektures në Bergen për punimin e tij të magjistraturës. Me vonë ai pranoj çmimin e “Statsbygg” për arkitekturë të shkëlqyeshme (2017), çmimin Aspelin Ramm (2018), Europan Norway (2019) dhe çmimin DOGA (2020).
Në këtë intervistë ai flet për punën e tij, për sfidat e mëdha të proceseve aktuale të zhvillimit urban në Norvegji dhe se si një vend ku mund të ketë zhvillim të suksesshëm dhe të qëndrueshem përmes një zhvillimi të kontekstualizuar, e cila po ashtu karakterizon punën e Atdheut.
“Ne vijmë nga një familje, dhe një popull, që e vlerëson arsimimin. Mbyllja e mundësisë së arsimimit ndikon në jetën e njeriut. Ndalimi i mundësisë për nxënjen e diturive është krim në vetëvete. Shkollat u mbyllen dhe për prindërit e mi u bë e pamundur të vazhdojnë studimet dhe nuk shihnin ardhmëri në një Kosovë të okupuar nga regjimi jugosllav. Prandaj u detyruan të mërgojnë si shumë shqiptarë të tjerë në Evropen Perëndimore, konkretisht në Norvegji’’, shkruan gazeta e njohur norvegjeze.
Në pyetjen se çfarë janë planet e tij në dhjetë vjetët e ardhshme, Atdheu dha këtë përgjigje:
“Pasi më pyetet për këtë, atëherë krejt çka unë mund t’ju them është se kam një endërr për Kosovën. Ndoshta me një studio projektuese – “Mad Arkitekter” në Prishtinë. Ky është plani im, por shohim e bëjmë”, është shprehur Atdheu. /Albinfo.ch
Të ngjashme
Të tjera nga Lajme
E-Diaspora
-
Shqipja flitet më shumë në Cyrih, Winterthur, Bazel dhe St. Gallen Gjuha shqipe është njëra ndër gjuhët më të popullatizuara në Zvicër. Shqipja flitet veçanërisht gjerësisht në...
-
Nagavci: Mësimi i gjuhës shqipe në diasporë ka vlerë jashtëzakonisht të madhe
-
Gërvalla takon mërgatën në Stuttgart, i fton të marrin pjesë në regjistrimin e popullsisë
-
Gjuha shqipe, gjuha e huaj më e folur në Zvicër – pas anglishtes
-
Bashkimi i shkollës shqipe në Zvicër, një lajm i mirë për të gjithë
Jeta në Zvicër
-
Studimi më i madh rreth kanabisit në Zvicër fillon në Cyrih Në kantonin e Cyrihut, 7500 njerëz do të marrin pjesë në një studim mbi përdorimin e...
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes
-
Vdes në moshën 81-vjeçare Roger Pfund, ilustruesi i pasaportës zvicerane
-
Bashkimi i shkollës shqipe në Zvicër, një lajm i mirë për të gjithë