E-Diaspora
Arnold Gjergjaj, Kampion Evropian i boksit në kategorinë EBU-EE
Para mijëra tifozëve shqiptarë e zviceranë në një ambient festiv në Basel, shqiptarozvicerni Arnold Gjergjaj ngriti lartë titullin e kampionit evropian në boks.
Pas një lufte të ashpër mes dy boksierëve të pamposhtur deri më tani, kobra shqiptare Arnold Gjergjaj nokautoi keq në raundin e nëntë boshnjakun Adnan Rexhovic.
Nga ai moment titulli i kampionit të ri Evropian ishte në duar të shqiptaro-zviceranit, Arnold Gjergjaj.
Dueli mes dy boksierëve nga Ballkani filloi me një epërsi të lehtë të boksierit shqiptar, Arnold Gjergjaj. Mirëpo ndërkohë boksieri nga Bosnja dukej se po kontrollonte meqin, duke sjellë në defansivë Arnoldin, i cili detyrohej të mbrohej duke ju shmangur goditjeve të rënda të kundërshtarit me përvojë.
Nga mesi i raundit të tretë, boshnjaku që ishte në ofensivë, pësoi një goditje të fuqishme befasuese nga Arnold Gjergjaj, e cila e shtriu atë përtokë.
Mes raundit katër dhe shtatë Adnan Rexhovic i dha disa goditje të fuqishme Arnoldit, i cili dukej se po tërhiqej në vetëmbrojtje.
Në raundin e nëntë Arnoldi i dha boshnjakut goditjet vendimtare që ngritën publikun e etur shqiptar në këmbë më thirrje e bërtitje patriotike.
Adnan Rexhovic jo vetëm që pesoi humbjen e parë, ai pësoi edhe humbjen më të rëndë në karrierën e tij të boksit të profesionist. Goditjet e Arnoldit shtrinë boshnjakun për një kohë të gjatë pa ndjenja përtokë. U desh intervenimi i mjekut për të kthyer atë prapë në normalitet.
Të tjera nga E-Diaspora
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën