Arrestohen 12 persona në Sarandë, sekuestrohen 9 vetura

"Të arrestuarit akuzohen për veprat penale ''Grup i strukturuar kriminal'' dhe ''Trafikimi i lëndëve narkotikëve''

Policia e Shqipërisë njofton se ka arrestuar 12 persona dhe 4 të tjerë ka shpallur në kërkim të dyshuar si pjesë e një kriminal në fushën e narkotikëve.

Po ashtu bëhet e ditur se në këtë aksion janë sekuestruar 9 vetura prej tyre 5 sosh super luksoze, lende narkotike kanabisi dhe 21 aparate celularë.

“Të arrestuarit akuzohen për veprat penale ”Grup i strukturuar kriminal” dhe ”Trafikimi i lëndëve narkotikëve”, të parashikuara nga nenet 333/a dhe 283/a/2 të Kodit Penal”, thuhet në njoftimin e policisë.

Të arrestuarit në mënyrë periodike kanë organizuar transportin e lëndës narkotike nga rrethet Tepelenë dhe Gjirokastër në drejtim të zonave kufitare të Bashkisë Konispol, të cilën e magazinonin në disa ambiente në zonën pranë kufirit e më pas organizonin trafikimin e lëndëve narkotike drejt shtetit Grek tek persona për të cilët po zhvillohen hetime.