Arrestohen 22 persona, prej tyre tre nxënës të shkollave të mesme

Sipas policisë, nga 22 të arrestuar, 4 persona janë shpërndarës të drogës dhe 18 konsumues.

Policia e Kosovës njofton se në një operacion të koduar “Stop drogave në shkolla” ka arrestuar 22 persona të dyshuar, prej tyre tre nxënës të shkollave të mesme. Policia thotë se për këtë janë iniciuar 17 raste. Ndërsa janë konfiskuar 395.05 gramë marihuanë, 267,5 gramë heroinë dhe një revole.

Sipas policisë, nga 22 të arrestuar, 4 persona janë shpërndarës të drogës dhe 18 konsumues.

“Policia e Kosovës mbetet e përkushtuar në luftën kundër veprave kriminale dhe, në veçanti, luftës ndaj trafikimit me narkotikë”, thuhet në njoftim.