Lajme
Arrestohen 3 punëtorë nga Kosova, po punonin “në të zezë”
Gjatë një inspektimi në qytetin e Lucernit, policia ka arrestuar tre punëtorë kosovarë të ndërtimit, pa leje pune. Atyre u është shqiptuar vendimi për dëbim nga Zvicra
Policia e Lucernit ka bërë një kontroll në një kantier ndërtimi në qytetin Lucern të shtunën pasdite. Tre persona, të cilët po punonin në montimin e një skele, nuk ishin në gjendje të dëshmonin se kanë leje pune në Zvicër.
Këtë njoftim e ka dhënë zyra e prokurorit publik të Lucernit, të hënën, shkruan luzernerzeitung.ch.
Sipas njoftimit, njëri prej tyre madje kishte një vendim ndalimi të hyrjes në Zvicër, transmeton albinfo.ch. Ky vendim i ishte shqiptuar po ashtu për faktin se ai më parë kishte punuar ilegalisht në Zvicër.
Personat e kapur janë 27, 28 dhe 32 vjeçarë dhe vijnë nga Kosova. Ata janë arrestuar në vendin e ngjarjes, përcjell albinfo.ch. Atyre u janë marrë 2480 franga gjobë në emër të depozitës.
Zyra për Migracion e Lucernit ka nxjerrë vendim për dëbimin e të tre personave dhe për ndalimin e hyrjes së tyre të sërishme në Zvicër.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe