Arrestohen 5 të rinj në Gjenevë, tentuan të marrin avion privat falas për Qipro

@pixabay

Një grup mashtruesish menduan se plani i tyre për të marrë me qira një avion privat për një udhëtim falas në Qipro kishte qenë i suksesshëm – vetëm për t’u arrestuar në aeroportin e Gjenevës.

Duke përdorur letrat e identitetit të vjedhura dhe një dokument të falsifikuar të transfertës bankare që sugjeronte se ishte paguar tarifa prej 40,000 euro, pesë të rinjtë u paraqitën për të marrë fluturimin.

Por kompania private e avionëve kishte qenë në dijeni të mashtrimit që në fillim – dhe vendosi me policinë të ngrejë një kurth, shkruajnë mediat zvicerane, përcjell albinfo.ch.

Pesë burrat – të gjithë rreth të njëzetave – mbërritën për udhëtimin e tyre. Megjithatë, në vend të shampanjës falas dhe kolltukëve luksozë, të gjithë morën dy ditë në një qeli paraburgimi dhe një gjobë të pezulluar prej 1200 CHF secili.