Arrestohet një zyrtar i policisë në Fier, i dyshuar si organizator i trafikut të drogës

Me urdhër të Prokurorisë së Krimeve të Rënda, e cila më shumë se dhjetë muaj kishte bërë hetime, është arrestuar mbrëmë Festim Lelaj, nënkomisar në Drejtorinë e Policisë së Fierit, transmeton albinfo.ch.

Mediat në Tiranë raportojnë se prokuroria kë lëshuar fletarrestim edhe për tre persona të tjerë që u arrestuan më vonë, e që kishin të bëjnë me një sasi prej 2.5 tonë drogë, e llojit kanabis sativa, e cila u kap në Ankona të Italisë në janar të këtij viti.

Droga që kaloi nga porti i Durrësit dyshohej se ishte e një rrjeti trafikantësh shqiptar. Para pak ditësh, policia arrestoi një tjetër anëtar të këtij rrjeti, Aurel Laza.