Arrestohet shqiptari në Francë për këtë arsye

Një 46-vjeçar i dënuar me pesë vite burg për prodhim dhe shitje narkotikësh është arrestuar në Francë, me qëllim ekstradimi në Shqipëri, përcjell albinfo.ch.

Policia njofton se si rezultat i sigurimit të informacionit nga strukturat e specializuara të Policisë së Shtetit dhe shkëmbimit të tij, nëpërmjet Interpol Tiranës, me homologët në Paris, u organizua dhe u finalizua operacioni policor ndërkombëtar i koduar “Five”.

“Gjatë këtij operacioni, policia franceze lokalizoi, kapi dhe arrestoi me qëllim ekstradimin në Shqipëri, shtetasin E. B, 46 vjeç”, njofton Policia.

Sipas Policisë ai ishte shpallur në kërkim ndërkombëtar sepse në vitin 2021, Gjykata e Rrethit Gjyqësor Tiranë e ka dënuar me pesë vjet burgim, për veprën penale “Prodhimi dhe shitja e narkotikëve”.

“Ky shtetas në vitin 2019 ka shitur pesë qese plastike me heroinë dhe pilula metadoni”, njofton Policia.