Kuriozitete
Art me kafe e kakao!
Ulrich Abe po bën vijat e fundit në kryeveprën e tij më të re – portretin e ish-presidentit të Burkina Fasos, Thomas Sankara. Si në krejt pikturat e tjera, Abe ka dy përbërës të pazakontë; kafenë dhe kakaon. 29-vjeçari nga Bregu i Fildishtë për herë të parë zbuloi talentin e tij kur një mësues arti u tha nxënësve të tij që të eksperimentonin pak më shumë, duke përdorur materiale të tjera përveç ngjyrave të zakonshme.
Duke qenë djali i kultivuesve të kafesë dhe vetë merakli i saj, nuk iu desh shumë kohë që të bindej se kakao dhe kafeja ishin të përkryera për artin e tij.
“Nëna dhe babai janë fermerë dhe u rrita në një ambient, në të cilin nëna pinte shumë kafe. Edhe babai pinte shumë, por e përziente me kakao. Këta përbërës më kthyen kujtimet që më frymëzuan për art”, thotë Abe, përcjell albinfo.ch.
Seria e fundit e pikturave janë portrete të liderëve të njohur afrikanë, si: Patrice Lumumba i Kongos apo aktivisti amerikan për të drejtat e njeriut, Martin Luther King. “Me punën time përkujtoj fermerët dhe njerëzit që kanë punuar shumë në ekonominë e këtij vendi. Në të njëjtën kohë, i nderoj njerëzit që hynë në histori të Afrikës dhe në atë të botës”, shton Abe.
Çmimi për një pikturë të Abes fillon nga 520 dollarë.
Të ngjashme
Të tjera nga Kuriozitete
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit