Artistët, në grevë për paga

Tri institucionet bartëse të Ministrisë së Kulturës, Shoqata sindikale e Teatrit Kombëtar, Filarmonisë, Operës dhe Ansamblit ‘Shota’ kanë hyrë në grevë, duke pezulluar të gjitha aktivitetet e planifikuara në kalendarët përkatës deri në realizimin e zotimeve për rritje të pagave. 

Përfaqësuesi nga sindikata e aktorëve, Shkëlzen Veseli, tha se greva nuk do të ndalet derisa të rriten pagat që është kërkesa kryesore e tyre.

Ai tha se performuesit e artit tash e 19 vjet janë në gjendje të rëndë dhe po neglizhohen vazhdimisht nga Ministria e Kulturës, Kuvendi dhe Qeveria.

Aktori  Veseli lexoi një letër drejtuar ministrit të Kulturës, Kujtim Gashi, ku u cekën premtimet e dhëna nga ana e tij dhe mosmbajtja e tyre.