Kuriozitete

Artisti i shurdhër që bën piktura për më pak se 7 minuta

Shtatë minuta janë të mjaftueshëm për piktorin nga Zambia, që të fillojë dhe mbarojë një pikturë, talent që mblodhi dhjetëra njerëz për ta parë atë në World Art Dubai.

Victor Sitali, 29-vjeçar, u shpërngul në Dubai gjatë vitit 2006 së bashku me familjen e tij, përcjell albinfo.ch.

Dizajneri grafik kryesisht punon me ngjyra të vajit. Ai nuk lindi i shurdhër, por e humbi të dëgjuarit ndër vite. Nëna e tij, Dorothy Sitali, thotë se janë me fat që erdhën në Dubai, vend në të cilin u zbulua talenti i djalit të saj për artin.

Veprat e tij janë ekspozuar nëpër Dubai, ndërsa deri më tani ato kanë udhëtuar në Holandë dhe Irlandë. Sitali fitoi çmimin “Artisti më i mirë” në edicionin e parë të Festivalit të Arteve të Bukura në Khaimah.