Shqipëria
Artisti shqiptar ndryshon pamjen e fasadave në Tiranë
Ditëve të fundit në Tiranë spikasin pikturat murale të realizuara nga i riu Franko Dine, i pari artist shqiptar i licencuar për artin e rrugës, i cili këtë lloj arti e ka zgjedhur së pari që të promovojë pasionin e tij.
Pasi jemi në kohë pandemie, piktori shqiptar ka zgjedhur të punojë piktura murale në lidhje me pandeminë, duke i sjellë kryeqytetit të Shqipërisë një pamje ndryshe, por edhe duke tërhequr vëmendjen dhe kureshtjen e qytetarëve, sidomos kur bëhet fjalë për pikturat murale apo mbishkrimet që ndryshojnë fasadat e pallateve, transmeton albinfo.ch.
Ai me anë të këtij arti jep edhe mesazhe për tema të ndryshme që prekin sfera të ndryshme të shoqërisë dhe, nga ana tjetër, i sjell Tiranës artin e veçantë të rrugës, duke ndryshuar pamjen e fasadave të ndërtesave në disa nga rrugët kryesore të qytetit.
Dine, një artist i ri 28-vjeçar me origjinë nga Vlora, por që jeton në Tiranë prej disa vitesh, ka përfunduar studimet në Universitetin e Arteve në Tiranë, dega grafikë e lirë, ndërsa përveç shkollimit në Shqipëri, ai ka marrë pjesë edhe në trajnime në Itali dhe Luksemburg për grafikë.
Artisti Dine që artit të rrugës në Shqipëri po i jep një dimension ndryshe, për Anadolu Agency (AA) tregon se dëshira për këtë lloj arti i ka lindur nga pasioni që ta shprehë talentin e tij dhe për ta zhvilluar dhe ekspozuar artin e tij dhe, siç thotë ai, për të lënë gjurmë në qytet, duke ndikuar tek ai që të dilte në rrugë dhe të pikturonte. /Albinfo.ch
Të ngjashme
Të tjera nga Shqipëria
E-Diaspora
-
Kroaci: Ermina Lekaj Prljaskaj nuk siguroi votat e duhura për deputete Shqiptarët mbeten pa deputet në Kroaci...
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër