Austria, në “krizë” për shoferë të autobusëve dhe trenave

Për herë të parë, shoferët e autobusëve dhe trenave hynë në listën e profesioneve me mungesë në Austri

Ministria Federale e Punës dhe Çështjeve Ekonomike ka zgjeruar listën e profesioneve me mungesë. Aty mund të gjendet një numër rekord vendesh pune të munguar. Si pjesë e Urdhëresës për punëtorët e kualifikuar, Ministria Federale e Punës dhe Çështjeve Ekonomike ka zgjeruar listën e profesioneve të mungesës në një numër rekord prej 110 profesionesh në mbarë vendin dhe 48 rajonale, njoftoi ministrja e Mbrojtjes së Klimës, Leonore Gewessler, ministri i Punës dhe Ekonomisë, Martin Kocher dhe Shëndetësisë dhe ministri i Çështjeve Sociale, Johannes Rauch, përcjell albinfo.at.

Punët në të cilat ka më pak se 1.5 punëkërkues për vende të lira pune konsiderohen si profesione në mungesë. Lista ofron disa të para – për herë të parë përfshihen edhe “punë të gjelbra” në sektorin e lëvizshmërisë dhe punët e transportit publik.

Konkretisht, në vitin 2024, tetë profesione shtesë të transportit publik do të konsiderohen si në mungesë për herë të parë, duke përfshirë shoferët e trenave dhe shoferët e autobusëve, thuhet në një njoftim për shtyp.

“Për të gjitha këto profesione që nuk kërkojnë ndonjë trajnim të posaçëm shkollor apo trajnim për praktikë, kualifikimet përkatëse profesionale duhet të njihen në përputhje me rregulloret përkatëse të hekurudhave dhe trafikut”, tha qeveria.

“Në të ardhmen, duhet të sigurohet që vendet e punës në transportin publik dhe transportin hekurudhor të mallrave, të cilat janë të nevojshme për zgjerimin e formave të qëndrueshme të lëvizshmërisë, të merren parasysh”, tha Kocher.

Rroga, deri në 2350 euro neto

Derisa vetëm në “Graz Linien” me herët kishte deri në 2000 aplikantë në vit, tani ka vetëm disa qindra. Gjithashtu thuhet se operatorët privatë të autobusëve mund të punësojnë menjëherë rreth 150 shoferë.

Kushdo që zgjedh industrinë e autobusëve do t’i ofrohet një karrierë e sigurt, thotë Horst Schachner, kryetar i Këshillit të punës së Holding Graz: “Kur shikoj gjithçka rreth meje, ne punojmë për kushtet e përgjithshme të njerëzve tanë”. Nëse i punoni orët normale, do të filloni të fitoni midis 2150 dhe 2350 euro neto”, ka përfunduar ai. /Albinfo.at

---