Zvicër: 3,212 infeksione dhe 7 raste të vdekjes në 24 orët e fundit

Me trendin aktual, mesatarja 7-ditore e infeksioneve të reja dyfishohet afërsisht çdo 43 ditë. Incidenca 14-ditore është 384.13

Zyra Federale e Shëndetit Publik (BAG) ka raportuar 3,212 raste të reja që ishin testuar pozitive për koronavirusin në 24 orët e fundit.

Kjo e vë mesataren 7-ditore në 2533 në ditë, që është 12 për qind më shumë se në javën e kaluar, shkruan srf.ch.

Me trendin aktual, mesatarja 7-ditore e infeksioneve të reja dyfishohet afërsisht çdo 43 ditë, transmeton albinfo.ch. Incidenca 14-ditore është aktualisht 384.13.

BAG raporton 131 shtrime të reja në spitale. Mesatarja 14-ditore është 58 shtrime në spital në ditë ose 43 përqind më shumë në krahasim me javën e kaluar.

830 persona aktualisht janë duke u trajtuar në spitale për Covid-19 ose 40 për qind më shumë se në javën e kaluar.

Aktualisht janë 224 pacientë me Covid-19 në kujdes intensiv. Kjo është 56 për qind më shumë në krahasim me javën e kaluar.

Shtretërit e kujdesit intensiv në spitalet zvicerane (përfshirë shtretërit ad-hoc) aktualisht janë të zënë në masën 81 për qind. Nga këto, 26 për qind janë të zënë nga të prekurit nga Covid 19.

BAG raporton 7 raste të reja të të vdekjes. Mesatarja 7-ditore është 4 të vdekur në ditë.

---