Lajme
BAG raporton 4,932 raste të reja dhe 20 vdekje në 4 ditët e fundit
Ky numër tregon se mesatarja e 7 ditëve të fundit është 1743 raste në ditë ose 3 për qind më pak se në javën e kaluar
Zyra Federale e Shëndetit Publik ka raportuar 4,932 raste të reja që kishin rezultuar pozitive me koronavirus në katër ditët e fundit (të festës së Pashkëve).
Ky numër tregon se mesatarja e 7 ditëve të fundit është 1743 raste në ditë ose 3 për qind më pak se në javën e kaluar, shkruan srf.ch.
Incidenca 14-ditore aktualisht është 270.72, transmeton albinfo.ch. Për shkak të pushimeve të Pashkëve, priten akoma regjistrimet e vonuara .
Shkalla mesatare pozitive 7 ditore aktualisht është 5.3 për qind, njësoj sikur javën e kaluar.
Numri i testimeve të bëra në 7 ditët e fundit është 38,713 teste në ditë dhe kështu është rritur për 8 për qind krahasuar me javën e mëparshme.
Për shkak të strategjisë për masivizimin e testimeve tani po testohen gjithnjë e më shumë njerëz pa simptoma (si pjesë e testeve masive). Kjo ecuri mund të rezultojë në një përqindje më të lartë të testeve pozitive.
BAG ka raportuar 20 raste të reja të vdekjeve gjatë periudhës së përmendur. Mesatarja 7 ditore është 7 të vdekur ose 4 për qind më pak se në javën e kaluar.
Aktualisht BAG raporton 1,034 njerëz të cilët janë duke u trajtuar në spitale për Covid-19. Kjo është 12 për qind më shumë se në javën e kaluar.
Shtretërit e certifikuar të kujdesit intensiv në spitalet zvicerane aktualisht janë 74.0 për qind të zënë, përcjell albinfo.ch. Ndërsa përfshirë edhe shtretërit ad-hoc, niveli i zënies është 66.0 për qind.
Nga këto, 20 përqind janë të zënë me njerëz të sëmurë nga Covid – 19.
Të ngjashme
Të tjera nga Lajme
E-Diaspora
-
Mitrovicasi Semir Aliti nënshkroi kontratë me ekipin holandez, PSV Ky është “Iniesta i Mitrovicës” që ka nënshkruar kontratë me PSV-në...
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën