Lajme
BAG rekomandon vaksinimin për gratë shtatzëna, nga java e 12-të
Shtatzënat e kësaj kategorie nuk do të kenë më nevojë për pëlqimin me shkrim nga mjeku i familjes ose gjinekologu, për t`u vaksinuar
Ekspertët federalë, në konferencën e sotme për media kanë dhënë informacione lidhur me gjendjen më të re në pandeminë e koronës.
Në vazhdim, pikat më të rëndësishme:
Autoritetet ende nuk konsiderojnë se e kemi pandeminë nën kontroll, transmeton albinfo.ch. Numri i rasteve aktualisht është duke u stabilizuar, por ka ende shumë pacientë në njësitë e kujdesit intensiv.
Për më tepër, virusi aktualisht po sulmon në mënyrë të shfrenuar, veçanërisht të rinjtë. Autoritetet janë të shqetësuar për afrimin e vjeshtës.
Lajmi kryesor që u dha në konferencën e përmendur është ky: BAG tani rekomandon vaksinimin kundër koronës për gratë shtatzëna nga java e dymbëdhjetë e frytit.
Kështu, në të ardhmen, shtatzënat e kësaj kategorie nuk do të kenë më nevojë për pëlqimin me shkrim nga mjeku i familjes ose gjinekologu, për t`u vaksinuar.
Arsyeja e dhënë lidhur me këtë, nga përgjegjësit është se ky grup i popullsisë është prekur më rëndë nga rrjedha e rëndë e sëmundjeve, transmeton albinfo.ch.
Nga ana tjetër, studime të ndryshme kanë konfirmuar gjithashtu efektivitetin dhe sigurinë e vaksinimit.
Më tutje, autoritetet vazhdojnë të heqin dorë nga rekomandimi i përgjithshëm për vaksinimet përforcuese (vaksina e tretë). Njerëzit e vaksinuar plotësisht janë ende të mbrojtur mirë nga sëmundjet e rënda, përcjell albinfo.ch. Qëllimi përfundimtar duhet të mbetet vaksinimi i sa më shumë njerëzve.
Të ngjashme
Të tjera nga Lajme
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor