Lajme
“Vaksinimi në Zvicër po funksionon, madje më mirë se sa është pritur”
Deri më tani, BAG ka regjistruar vdekje pas vaksinimit të plotë vetëm tek njerëzit mbi 80 vjeç - me një përjashtim
Sipas Zyrës Federale të Shëndetit Publik (BAG), numri i rasteve të infeksionit pavarësisht vaksinimit, është në intervalin që pritej nga studimet e bëra me rastin e miratimit të tyre.
“Prandaj, mund të thuhet se vaksinimi mbron me efektivitet të lartë kundër infeksioneve simptomatike me variantet SARS-CoV-2 që kanë qarkulluar në Zvicër deri më tani dhe kundër sëmundjeve serioze”, thuhet në raportin javr të BAG, shkruan srf.ch.
Kjo do të thotë se efektiviteti i dy vaksinave të disponueshme në Zvicër është 94 deri 95 për qind, transmeton albinfo.ch. Dhe: deri më tani, BAG ka regjistruar vdekje pas vaksinimit vetëm tek njerëzit mbi 80 vjeç – me një përjashtim.
Gjithsej 19 persona kanë vdekur nga ose në lidhje me virusin që nga 27 janari i këtij viti, pavarësisht se kanë pasur vaksinim të plotë Covid-19. Nga 460 të vaksinuar plotësisht dhe ende të infektuar gjatë së njëjtës periudhë, 96 është dashur të trajtoheshin në spital.
Një studim aktual nga Vaud gjithashtu konfirmon efektivitetin e lartë të vaksinimit. Drejtori i studimit Olivier Duperrex nga Unisanté Lausanne nxjerr një përfundim të qartë: “Vaksinimi po funksionon”.
“Madje funksionon më mirë sesa kanë parashikuar studimet”, transmeton albinfo.ch. Sipas shifrave të Vaudit, njerëzit e pavaksinuar aktualisht kanë një rrezik 80 herë më të madh për t’u prekur nga korona dhe për t’u sëmurë se sa të të vaksinuarit.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Gjeneva, më e pasur Qyteti i Gjenevës ka zbuluar se llogaritë e tij do të tregojnë një tepricë prej 200...
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë