Bajrami në ring me indianin Singh Jaideep

Xhavit Bajrami, më 2 korrik në Zvicër, do të përballet në ringun profesionist të kick-boxit me Singh Jaideep

Xhavit Bajrami, më 2 korrik në Zvicër, do të përballet në ringun profesionist të kick-boxit me Singh Jaideep, në meçin e vlefshëm për kampion bote në kategorinë e rëndë të ISKA . Lajmi u bë i ditur në faqen e internetit të Xhavit Bajramit..Në biografinë e indianit Jaideep, thuhet se deri më tashti ka një bilanc prej 7 meçeve, prej të cilëve 5 i ka fituar dhe 2 i ka humbur. Suksesi më i madh i tij është triumfi në K-1 të Azisë më 2009 në Seul, ndërkohë që Bajrami ka 46 meçe të zhvilluara në kick-box, 32 fitore, 13 humbje dhe 1 barazim.Bajrami, përveç titullit të kampionit në ISKA, aktualisht është pronar edhe i titullit të botës në versionin WKN.Më 2 korrik në ring do të paraqiten edhe kick bokserët më të mirë të Zvicrës në K-1 World Max deri në 70 kilogramë. Në mesin e tyre edhe tre shqiptarë, Butrint Rama, Jetmir Sula dhe Faton Vukshinaj.