Lajme

Bankat zvicerane po rrisin ndjeshëm normat e interesit të hipotekave

E mërkurë, 9 Shkurt 2022 - 11:00 albinfo.ch

(KEYSTONE/Eddy Risch)

Nëse dëshironi të blini një pronë në të ardhmen e afërt, mund të mendoni dy herë: bankat zvicerane po rrisin ndjeshëm normat e interesit për hipotekat me normë fikse.

Për shembull, sipas Tages-Anzeiger, normat e interesit për një hipotekë pesëvjeçare në Luzerner Kantonalbank u rritën me 0.19 përqind në 1.4 përqind; hipoteka shtatëvjeçare me normë fikse në të njëjtën bankë tani kushton 1.51 në vend të 1.4 për qind.

Tendenca është e njëjtë edhe në bankat e tjera: Raiffeisenbank ngarkon 1.84 për qind për një hipotekë 10-vjeçare me normë fikse; Credit Suisse 1.77 për qind dhe Zürcher Kantonalbank 1.7 për qind, transmeton albinfo.ch.

Për krahasim, në fillim të vitit 2021, një hipotekë 10-vjeçare kushtonte 1.1 për qind.