Bashkim Sejdiu ndihmon rritjen e bizneseve në Zvicër

Numri i shqiptarëve që po merren me biznese në Zvicër po rritet gjithnjë e më shumë. Por, ka edhe prej tyre që ndihmojnë shqiptarët që të rritin bizneset e tyre.

Njëri ndër ta është edhe Bashkim Sejdiu. Ai i ka ndihmuar emigrantët në Itali, derisa tani ndihmon në rritjen e bizneseve në Zvicër, shkruan albinfo.ch.

“Jam në dispozicion për të gjitha firmat në aspektin profesional, por edhe njerëzor, për t’i shfrytëzuar të gjitha aspektet dhe të ndihmoj në rritjen e bizneseve”, është shprehur Sejdiu për albinfo.ch.

Oferta e tij është mjaft interesante. “Për të gjitha shoqatat të cilat kanë punë me biznes, jam i hapur për një bashkëpunim si konsulentë në aspektet vitale të biznesit, po edhe për një bashkëpunim reciprok ekonomik”, ka shtuar tutje Bashkim Sejdiu.

Ai është i hapur ndaj të gjithëve, sidomos shqiptarëve. “Kjo vlen për të gjithë të cilët kanë nevojë për t’i ndihmuar ne mënyrën profesionalet ne aspektet e sigurimeve personale, e veçanërisht shqiptarëve për kërkesat që kanë. Por, edhe për pensionistët, sidomos në këtë kohë, që është bërë marrëveshja për pensionet ndërmjet Kosovës dhe Zvicrës”, shtoi Sejdiu për albinfo.ch.

Preshevari në vitin e kaluar kishte fituar një çmim në Itali, ku aplikacioni i tij ishte zgjedhur më i miri.

Bashkim Sejdiu, me anë të një algoritmi në Milano, ku është numri më i madh i emigrantëve, kishte arritur të lehtësonte punën e autoriteteve shëndetësore që të zbulojnë se cili prej emigrantëve është i rrezikuar nga tuberkulozi ose nga ndonjë sëmundjet tjetër ngjitëse.

Bashkim Sejdiu është bërë i njohur edhe për aplikacionin që e kishte bërë në dhjetë gjuhë të emigrantëve, për të lehtësuar komunikimin e emigrantëve me administratën italiane.

Me aplikacionin e Bashkim Sejdiut, emigrantët i kanë marrë më lehtë dokumentet italiane, edhe atë në dhjetë gjuhë të ndryshme të botës.