Lajme

Bayerni interesohet për talentin kosovar, Fisnik Asllani

Fisnik Asllani është bërë objektiv i gjigantit bavarez, por 17-vjeçarin e Union Berlinit e duan edhe klube të tjera gjermane, Schalke, Hertha Berlin e Hoffenheim.

Bayern Munichu ia ka vënë syrin një talentit kosovar. Bëhet fjalë për Fisnik Asllanin, i cili po shkëlqen me ekipin U-19 të Union Berlinit.

Sulmuesi kosovar është vetëm 17 vjeç dhe tashmë u ka rënë në sy klubeve të njohura gjermane.

Mediumi gjerman “BZ” shkruan se interesim për Asllanin kanë shfaqur klubet gjermane Schalke, Hertha Berlin e Hoffenheim, krahas gjigantit bavarez, raportojnë mediat kosovare, përcjell albinfo.ch.

Madje, njëri prej këtyre klubeve thuhet se i ka bërë ofertë specifike futbollistit të ri.

Hoffenhemi duket të jetë klubi më i interesuar për futbollistin me pasaportë kosovare dhe gjermane.

Lojtarit i është ofruar një kontratë katërvjeçare.

Hoffenheimi njihet për punën e shkëlqyeshme me të rinj dhe futbollisti kosovar mund të zhvillohej në mënyrë të sigurt te ky klub.