Lajme
Bazel: Gjendet koronavirusi në lëkurën e pacientes që kishte dy teste negative
Kjo tregon se: Nga njëra anë metodat e tanishme të testimit për koronavirusin nuk janë pa gabime dhe nga ana tjetër, se analiza e mostrave të lëkurës mund të jetë e dobishme si një shtesë për testet rutinë
Në lëkurën e një pacienti në Spitalin Universitar të Bazelit është zbuluar prania e koronavirusit megjithëse dy teste të bëra më parë kishin dalë negative.
Për Spitalin Universitar të Bazelit, ky rast tregon se metodat e tanishme të testimit nuk janë pa gabime, shkruan srf.ch.
Rasti i përshkruar ka të bëjë me një grua 81-vjeçare e cila kur kishte hyrë në spital ishte testuar për Covid-19 për shkak të simptomave që kishte, transmeton albinfo.ch. Përveç etheve tipike të sëmundjes, i ishte paraqitur edhe një dëmtim i theksuar të lëkurës, thuhet në një njoftim nga Spitali Universitar i Bazelit.
Mostra e nazofaringjit (hundës dhe fytit) ishte negative. Por, nga ana tjetër, një biopsi e bërë e një zonë të lëkurës që ksihte shenja ndezjeje, ka treguar një sasi relativisht të vogël të koronavirusit, përcjell albinfo.ch. Një test për antitrupat, i kryer gjashtë javë më vonë kishte rezultuar gjithashtu negativ.
Për ekipin hulumtues të kryesuar nga Elisabeth Roider, mjeke në Departamentin e Dermatologjisë në Spitalin Universitar të Bazelit, ky rast është “i rëndësishëm”.
Sipas njoftimit, tregohet se, nga njëra anë metodat e tanishme të testimit për koronavirusin nuk janë pa gabime dhe nga ana tjetër, se analiza e mostrave të lëkurës mund të jetë e dobishme si një shtesë për testet rutinë.
Rasti gjithashtu ka konfirmuar supozimin se jo çdo pacient që është sëmurë me Covid-19 ka formuar më pas antitrupa. Ky vëzhgim ka një rëndësi të madhe në përpjekjet aktuale për të zhvilluar një vaksinë ose për të arritur imunitetin e tufës, thuhet në komunikatë.
Rasti në Spitalin Universitar Bazel është botuar të premten në revistën mjekësore “The Lancet”.
Të ngjashme
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?