Manifestime
Bazeli, nikoqir i festivalit shqiptaro-zviceran të filmit të shkurtër
Në edicionin e sivjetmë në festival do të paraqiten shtatë filma të autorëve shqiptarë
Më 4 dhe 5 dhjetor Bazeli do të jetë nikoqir për të katërtën herë i festivalit të filmit në Zvicër në metrazh të shkurtër. Në festivalin shqiptaro-zviceran “SwiKos” do të garojnë 14 autorë nga Kosova, Maqedonia, Zvicra, Holanda dhe Gjermania.
Drejtori i këtij festivali, Florim Brajshori, për mediet e Kosovës ka thënë se në edicionin e sivjetmë të festivalit do të ndahen pesë çmime, ndërsa juria do të jetë e përbërë nga profesionistë. Sipas Brajshorit, qëllimi i festivalit është plasimi i kulturës shqiptare në Zvicër dhe rritja e bashkëpunimit midis krijuesve nga Kosova dhe Zvicra.
Ndërsa drejtori artistik i festivalit, Ilir Kabashi ka thënë se për çdo vit po rritet cilësia e filmave që po shfaqen në “SwiKos”.
Në edicionin e sivjetmë në festival do të paraqiten shtatë filma të autorëve shqiptarë. “In Memoriam” i regjisorit Ilirjan Himaj, “E kuqja” nga Gazmend Nela dhe “Tri ditare” të regjistorit Faton Bajraktari, janë filma të regjisorëve nga Kosova. Ndërsa në konkurrencë do të jenë edhe filmi “Vdekja nga ngufatja” e regjisorit Visar Morina, “Ilirjana” i Ernest Mehollit, “Kthimi” i Kastriot Abdylit dhe filmi “Për ters, atë çast” i regjisorit Gentian Koci.
Ndryshe, fitues i edicionit të kaluar të festivalit ishte filmi “Matanë lumit” të regjisorit nga Kosova Ilirjan HImaj.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?