BE: Herët për të menduar dozën e katërt të vaksinës anti-COVID

EPA/ETIENNE LAURENT

Një dozë e katërt e vaksinës anti-COVID nuk duhet marrë ende në konsideratë.

Ky është konkluzioni i zyrtarëve evropianë të shëndetësisë, të cilët e rekomandojnë dozën e katërt për personat mbi 80 vjeç.

Në një deklaratë të përbashkët të mërkurën, Agjencia Evropiane e Barnave (EMA) dhe Qendra Evropiane për Parandalimin dhe Kontrollin e Sëmundjeve (ECDC) thanë se kishin shqyrtuar të dhënat për një dozë të katërt të vaksinave COVID-19 të dorëzuara nga Pfizer-BioNTech dhe Moderna Inc.

Ato përfshinin të dhëna nga Izraeli, ku hulumtimi ka treguar se një përforcues i katërt ofron mbrojtje në sasi jo shumë të madhe.

E gjithë kjo sidoqoftë, bie në kontraditë me udhëzimin e lëshuar nga Administrata e Ushqimit dhe Barnave e SHBA (FDA), e cila vendosi javën e kaluar që amerikanët 50 vjeç e lart mund të marrin një përforcues të katërt për COVID-19 nëse kanë kaluar të paktën katër muaj nga vaksinimi i tyre i fundit.

Qendrat e SHBA-së për Kontrollin dhe Parandalimin e Sëmundjeve (CDC) më vonë rekomanduan vaksinën shtesë si një opsion, por nuk e bënë atë emergjente.

Rekomandimet evropiane vijnë pasi vende të shumta në të gjithë kontinentin kanë hequr pothuajse të gjitha kufizimet e tyre për COVID-19 dhe po luftojnë ndërkohë me një rritje të infektimeve nxitur nga nënvarianti jashtëzakonisht ngjitës i omicron BA.2./Euronews