Lajme
BE-ja zgjat afatin e kufizimit të përdorimit të gazit
Komisioni Evropian propozoi sot zgjatjen e masave për të reduktuar konsumin e gazit me një objektiv prej 15% në gjithë Bashkimin Evropian deri në mars 2024.
“Përpjekjet kolektive për të reduktuar kërkesën për gaz kanë qenë thelbësore për të kaluar këtë dimër të sigurt”, tha në një deklaratë komisionerja e BE-së për Energjinë, Kadri Simson.
Vendet e BE-së u zotuan të ulin konsumin e tyre me të paktën 15% krahasuar me mesataren e pesë vjetëve të fundit, verën e kaluar, pasi Rusia uli në mënyrë drastike eksportet në bllok.
“Është bërë një progres në diversifikimin e furnizimit dhe reduktimin e varësisë së bllokut nga Rusia, por tregjet globale të gazit ka të ngjarë të mbeten të kufizuara në muajt e ardhshëm”, tha Kadri, transmeton dpa, përcjell albinfo.ch.
“Vazhdimi i kursimit të gazit do të ndihmojë gjithashtu në rimbushjen e objekteve të depozitimit të gazit në 90% deri në nëntor”, shtoi komisionerja.
Objektivi i kursimeve, i cili u tejkalua muajt e fundit me një ulje të kërkesës me mbi 19% mesatarisht në gjithë BE-në, aktualisht është vendosur të përfundojë në fund të muajit.
Ministrat e Energjisë së BE-së do të miratojnë zgjatjen e masave për reduktimin e konsumit të gazit në takimin e tyre të ardhshëm në Bruksel, më 28 mars.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane