Behrami i shqetësuar nga mungesat kundër Suedisë, ja ç’thotë për nordikët

“Topat e gjatë kundrejt Shaqirit nuk do ishin recepta e duhur në përballjen kundër Suedisë,” tha 33 vjeçari nga Mitrovica.

Keystone

Luftëtari Valon Behrami nuk është dënuar me karton të verdhë dhe shkon i qetë në përballjen e radhës kundër Suedisë. Kjo nuk ka ndodhur me kolegët e tij Lichtsteiner dhe Schär. Ata do jenë spektatorë në përballjen e ardhshme, shkruan blick.ch.

“Duhesha të ruhem nga stili im,” tha Valon Behrami (33), për përballjen kundër Kosta Rikës, përcjell albinfo.ch. “Në dy-tre situata nuk mund të luaja pastër stilin tim. Me Lichti-n dhe Schär kemi humbur dy lojtarë të mëdhenj. Ne do bëjmë gjithçka për ata, që të mund të rikthehen në lojën e çerekfinales.”

Në lidhje me Suedinë, Behrami thotë se ata luftojnë për njëri-tjetrin në mënyrë solidare dhe se fizikisht janë tepër të fortë.

“Topat e gjatë kundrejt Shaqirit nuk do ishin recepta e duhur në përballjen kundër Suedisë,” tha në fund 33 vjeçari nga Mitrovica.