Behrami, përfundimisht në formacionin e parë

Ai do të inkuadrohet, në vend të Xhemailit të lënduar, në ndeshjen kundër Uellsit që luhet këtë të premte

Behrami kthehet në formacionin e parë të përfaqësueses zvicerane të futbollit. Ai do të inkuadrohet, në vend të Xhemailit të lënduar, në ndeshjen kundër Uellsit që luhet këtë të premte.

Kështu Behrami, në pozitën e mesfushorit defensiv në krah të kapitenit Gökhan Inler do të sigurojë baraspeshën e skuadrës, shkruan 20minuten.

Nga ana tjetër në repartin e sulmit duket se Hitzfeld do të angazhojë “bllokun e Bazelit”, gjegjësisht Xherdan Shaqirin, Granit Xhakën dhe lojtarin që për herë të parë mund të inkuadrohet në kombëtare, Fabian Frei.

Këta të tre së bashku ishin edhe në kombëtaren U21 të Zvicrës në qershor, në kampionatin evropian të kësaj kategorie.