FFK prezanton fanellat e reja të Kosovës, të prodhuara nga Adidas

Fanellat e reja pritet të përdoren për dy sezonet e ardhshme

Federata e Futbollit e Kosovës (FFK) ka prezantuar zyrtarisht fanellat e reja të Kombëtares së Kosovës, të cilat janë të prodhuara nga kompania e njohur sportive Adidas dhe do të përdoren në ciklin e ri të garave evropiane, transmeton albinfo.ch.

Sipas njoftimit të FFK-së, fanellat e reja kanë një dizajn të personalizuar që reflekton identitetin dhe simbolikën e përfaqësueses së Kosovës, në kuadër të bashkëpunimit me UEFA-n dhe programin e veshjeve sportive për federatat kombëtare.

FFK ka bërë të ditur se këto fanella pritet të jenë në përdorim për dy sezonet e ardhshme, me synimin për të rritur standardet e prezantimit të ekipit kombëtar dhe për ta përfaqësuar Kosovën në mënyrë sa më dinjitoze në arenën ndërkombëtare./Albinfo.ch

---