Belgjika hap ambasadën në Kosovë

Zyra Diplomatike e Belgjikës në Kosovë së shpejti do të shndërrohet në Ambasadë. Lajmin e ka bërë të ditur ambasadori i Kosovës në Bruksel, Agron Bajrami.

“Lajm i mrekullueshëm. Zyra Diplomatike e Belgjikës në Kosovë së shpejti do të ngrihet në nivelin e Ambasadës së Mbretërisë së Belgjikës në Republikën e Kosovës. Faleminderit Jeropen Cooreman, që keni ndarë detajet e këtij hapi të rëndësishëm, i cili do të thellojë marrëdhëniet tashmë shumë pozitive në mes të Kosovës dhe Belgjikës”, njoftoi Bajrami në Twitter.