Berisha largohet nga Lazio

Etrit Berisha nuk është ftuar në ndeshjen e fundit ndaj Atalantës dhe pritet që këto ditë të ndërrojë mjedis

Portieri i Kombëtares së Shqipërisë, Etrit Berisha nuk do të jetë më pjesë e Lazios. Si duket ai është lodhur duke qenë zgjedhja e dytë si vitin e kaluar dhe ka vendosur që mos të grumbullohet fare në prezantimin e skuadrës për sezoni e ri, shkruan albinfo.ch.

Trajneri Simone Inzaghi ka thënë se Berisha ka një problem të vogël, ndërsa ka konfirmuar që zgjedhja e parë për të është Federico Marchetti.

Berisha ka kohë dhjetë ditë për të gjetur një skuadër të re në njërin nga kampionatet evropiane, mësohet se për të ka interesim nga Aston Villa në Championship.

Në ndeshjen e fundit të Lazios, Berisha nuk ishte fare i ftuar, kurse në bankën rezervë qëndroi Thomas Strakosha. Tashmë largimi i Berishës është çështje ditësh.