Lajme
Biden akuzon Zvicrën si “parajsë taksash”, reagon ministri i Financave
Maurer: "Unë nuk mendoj se ky është me të vërtetë qëndrimi i qeverisë (amerikane), por shkruesit e fjalimeve nuk i dinin akoma faktet aktuale"
Në fjalimin e tij të parë si President i SHBA-së para Kongresit, Joe Biden, ka vënë edhe Zvicrën në lidhje me evazionin fiskal dhe e ka përshkruar atë si një parajsë taksash.
Këshilltari Federal, Ueli Maurer, i cili drejton financat e vendit ka reaguar i befasuar dhe menjëherë i ka dërguar një letër qeverisë amerikane.
Zvicra është një vend që përmbush plotësisht të gjitha detyrimet ndërkombëtare dhe është shumë transparent, është shprehur Ministri i Financave, Maurer në një intervistë me Radion dhe Televizionin Zviceran (SRF) të enjten, transmeton albinfo.ch. “Unë nuk mendoj se ky është me të vërtetë qëndrimi i qeverisë (amerikane), por shkruesit e fjalimeve nuk i dinin akoma faktet aktuale”.
Zvicra i ka raportuar administratës së Bidenit me shkrim. Përveç kësaj, Maurer dëshiron të paraqesë pikëpamjen e tij personalisht në një takim me Sekretaren e Thesarit të SHBA Janet Yellen brenda disa javësh.
“Unë mendoj se gjëra të tilla ndodhin” tha Maurer. Biden është i ri si president, ai sapo ka lexuar një fjalim. “Faktet janë krejtësisht të ndryshme, kështu që në të vërtetë nuk ka pse të na frikësojë”.
Biden kishte mbajtur një fjalim 65-minutësh të mërkurën (me kohën lokale) në Kapitol në Uashington përpara dy dhomave të Kongresit të SHBA-së në prag të ditës së 100 të tij në detyrë, përcjell albinfo.ch.
Në këtë fjalim ai ka kritikuar 55 nga kompanitë më të mëdha në Amerikë. Ato nuk kanë paguae asnjë taksë federale mbi të ardhurat vitin e kaluar dhe kanë realizuar më shumë se dyzet miliardë dollarë amerikanë fitim.
“Shumë kompani po u shmangen taksave përmes parajsave tatimore – nga Zvicra në Bermuda, në Ishujt Kajman”, është shprehur Biden. Ato kanë përfituar nga boshllëqet e taksave dhe zhvendosja e vendeve të punës dhe fitimeve jashtë shtetit. “Kjo nuk është e drejtë”.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
Mërgimtari humb jetën në vendin e punës, në Maltë
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën