Biznesi privat, kundër vetizolimit të Zvicrës

Elita zvicerane e biznesit ka bërë thirrje që të ruhen marrëdhëniet e mira me Bashkimin Evropian (BE)

Elita zvicerane e biznesit ka bërë thirrje që të ruhen marrëdhëniet e mira me Bashkimin Evropian (BE), të cilat u përkeqësuan me referendumin zviceran për të kufizuar emigracionin nga vendet e Unionit, shkruan EurActiv. 

Qeveria zvicerane njoftoi në qershor se për qytetarët e BE-së nga 2017 ka për të aplikuar kuotat, pas referendumit në shkurt të këtij viti, ku votuesit zviceranë mbështetën një kufi mbi emigracionin. Ky veprim i tensionoi marrëdhëniet mes Zvicrës dhe BE-së, por është edhe një kërcënim për shumë marrëveshje që vendi kishte nënshkruar me 28 vende anëtare të Bashkimit Evropian. 

Më 30 nëntor në Zvicër do të votojnë për një iniciativë më radikale, e cila parashikon kufizimin e imigracionit me vetëm 0.2 për qind të popullsisë së vendit, përkatësisht 16 mijë njerëz në vit. 

Më shumë se 100 anëtarë të biznesit zviceran, elita ekonomike dhe politike kanë nënshkruar apelin, i cili është publikuar në gazetën zvicerane „Sonntags Zeitung“, me të cilin paralajmërojnë se nëse vendi vazhdon të sillet në këtë mënyrë, atëherë kjo do të çojë në “vetizolim”. 

“Ne kërkojmë nga të gjithë qytetarët, veçanërisht të rinjtë, për të marrë pjesë në një dialog të vërtetë me Evropën, në bazë të fakteve, për të dhënë Zvicra një politikë koherente dhe afatgjatë në këtë fushë, duke i mundësuar vendit që të mbrojë me sukses interesat e tyre në një kontekst evropian”, thotë në këtë dokument elita zvicerane e biznesit. 

Për kufizim të  emigracionit janë shprehur kundër sidomos biznesmenët zviceranë, sepse ata varen nga punëtorët e huaj në të gjitha fushat e ekonomisë.