Autotech

BlackBerry padit Facebookun

Kompania e njohur po kërkon dëmshpërblim financiar për shkak të dëmeve që i ka shkaktuar gjiganti amerikan

BlackBerry ka paditur Facebookun, Instagramin dhe WhatsAppin (të gjitha shërbime të udhëhequra nga Facebooku) nën akuzën se kanë shkelur shtatë patenta.

Kompania e njohur po kërkon dëmshpërblim financiar për shkak të dëmeve që i ka shkaktuar gjiganti amerikan.

BlackBerry po akuzon Facebookun dhe kompanitë e tij se kanë krijuar aplikacione të mesazheve që shkelin mbulueshmërinë e sigurisë, që është pjesë e patentës së BlackBerryt, transmeton Albinfo.ch.

Në anën tjetër, Facebooku ka thënë se kjo padi “tregon dështimin e BlackBerryt në biznesin e mesazheve dhe përpjekjet e kësaj kompanie që të fitojë në shpikjet e të tjerëve”.

BlackBerry njëherësh ishte top-kompani në tregun e telefonave të mençur, derisa në skenë dolën telefonat Android dhe Apple.