“Blen” 6 banesa pa paguar asgjë, 3 vjet e gjysmë burg për kosovarin

Ai i kishte ofruar shitësit një shkresë sipas të cilës posedonte një pasuri prej 27 milionë eurosh në një bankë të Zvicrës

Një kosovar 62 vjeç i kishte kontraktuar nga një kompani patundshmërish katër banesa në ndërtim në Flachgau dhe dy të tjera, të përfunduara në Salzburg (Austri). Ndonëse çmimi i të gjitha banesave bënte së bashku 2.3 milionë euro, ai kishte mundur t`i kontraktonte ato pa ofruar asnjë garanci bankare.
E tëra që i kishte ofruar shitësit, ishte një shkresë sipas të cilës ai posedonte një pasuri prej 27 milionë eurosh në një bankë të Zvicrës. Pasi i kanë nënshkruar kontratat  atai kanë verifikuar ato te notari.

Por, ende pa paguar asgjë, kosovari tashmë i dënuar për mashtrim, e ka shitur njërën nga banesat e “e tij”. 174.000 euro i ka marrë ai nga një familje që e ka blerë banesën me hapësirë 105 metra katrorë. Dëshmia që i ka treguar blerësit, ka qenë kontrata e vërtetuar te notari ndërsa blerësit i ka sugjeruar të mos e noterizojë atë për t`i ikur shpenzimeve të panevojshme.

As ai dket se nuk e kishte kërkuar ndonjë dëshmi tjetër dhe e kishte “blerë” banesën duke paguar 54.000 euro në rata, shkruan orf.at. Ndërsa në njërën nga banesat, kosovari është vendosur vetë dhe aty ka banuar deri sa është arrestuar.

E gjithë kjo aventurë atij i ka kushtuar me 3 vjet e gjysmë burg që ia ka shqiptuar të hënën një gjykatë në Salzburg. Ndërkaq, mikesha 49 vjeçare e tij është liruar si e pafajshme.