Bora ‘bllokon’ Kosovën

Shumë fshatra kanë mbetur të bllokuara, derisa vështirësitë në qarkullimin rrugor, janë pothuajse në të gjitha qytetet

Bora që po bie pa ndalur në Kosovë, ka vështirësuar qarkullimin në të gjitha rrugët e vendit, raporton albinfo.ch.

Derisa gjendje më e mirë është në rrugët nacionale, gjendja e vështirë për të qarkulluar rrugor është në zonat malore dhe në fshatra.

Sidomos në vendet malore niveli i borës ka qenë më i madh dhe shumë fshatra kanë mbetur të bllokuar, por jo vetëm fshatrat, pasi vështirësitë në komunikacion janë në të gjitha qytetet kosovare.

Gjithashtu në disa rajone është ndalur edhe rryma, kurse Policia e Kosovës ka bërë thirrje që ngasësit të jenë shumë të kujdesshëm dhe të jenë të pajisur me pajisje dimërore. Gjithashtu gjatë 48 orëve të fundit është rritur edhe numri i aksidenteve.