Lajme

Borë e portokalltë në Evropë, shkaku i pluhurit nga Shkretëtira e Saharasë

Shumë vende evropiane janë mbuluar nga një pamje bore portokalli, transmeton albinfo.ch.

Në Europë është parë të bjerë borë portokalli. Ekspertët shpjeguan se ky fenomen i pazakontë i motit u shkaktua nga pluhuri që mbërriti në Evropë nga Shkretëtira e Saharasë, për shkak të erërave të forta.

Thuhet që pluhuri i shkretëtirës jo vetëm që ngjyrosi borën në tokë, por edhe qiellin. Adhuruesit e skive në shumicën e vendpushimeve të skive në Europë shijuan këtë pamje interesante, duke bërë ski nën qiellin portokalli.

Këto ditë moti i ftohtë dhe me dëborë ka prekur shumë vende evropiane, përfshirë Spanjën, Andorrën, Francën dhe Alpet Zvicerane, vende në të cilat papritmas bora u bë e portokalltë.

Sipas shkencëtarëve, kjo situatë ndodh çdo vit, por rritja e dendësisë së pluhurit pas disa vitesh mund të bëjë që kjo situatë të përjetohet edhe më qartë.


LAJME INTERESANTE NGA INTERNETI