Kosova
Borissov nuk e di nëse Kosova mund të marrë liberalizimin brenda 6 muajve
Kryeministri i Bullgarisë, vendit që mban kryesimin 6 mujor të BE-së nuk ka thënë se Kosova do të mund të fitojë liberalizmin e vizave gjatë kësaj kohe
Kryeministri i Bullgarisë, Boyko Borissov ka thënë se Kosova i ka plotësuar kushtet për liberalizim të vizave. Pas takimit me presidentin Hashim Thaçi, kryeministri bullgar ka thënë se Kosova në Samitin e Sofjes do të përfaqësohet ashtu siç është njohur nga më shumë se 100 shtete.
Kryeministri i Bullgarisë, vendit që mban kryesimin 6 mujor të BE-së nuk ka thënë se Kosova do të mund të fitojë liberalizmin e vizave gjatë kësaj kohe. Borissov u ka bërë thirrje liderëve të Ballkanit Perëndimor që të lënë me një anë egoizmat personale nga se kjo, sipas tij, është fatale për të ardhmen e këtyre shteteve. Borissov tha se Kosova dhe Serbia janë të obliguar të zgjidhin problemet e tyre.
Ndërsa, presidenti Thaçi ka theksuar se Kosova i ka përmbushur 95 kriteret për liberalizim të vizave. Edhe presidenti Thaçi edhe kryeministri bullgar ka thënë se të dyja vendet kanë marrëdhënie të shkëlqyera. Presidenti Thaçi ka kërkuar që Rusia ta njohë Kosovën si shtet të pavarur dhe të mos e përdorë veton e saj për anëtarësim në OKB.
Thaçi është pyetur nga gazetarët bullgarë nëse Kosova do t’i bashkohet BE’së dhe SHBA’së për sanksione ndaj Rusisë. Thaçi tha se në kuadër të përkushtimeve të Kosovës, Bullgaria ka qenë model në kriteret në BE. Presidenti i Kosovës, Hashim Thaçi ka dekoruar me medaljen presidenciale të 10 vjetorit të pavarësisë kryeministrin bullgar.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit